Тыдні беларускай мовы і літаратуры ў нашай школе заўсёды з’яўляюцца яркай і запамінальнай падзеяй. Не стаў выключэннем і гэты, які прайшоў з 17 па 22 лютага 2025 года. Стала добрай традыцыяй праводзіць у час нашых святаў мерапрыемствы з гульнямі, забаўкамі, інсцэніроўкамі, танцамі.
Захапляльна прайшла інтэрактыўна-інтэлектуальная гульня “Пагуляем у роднае слова” для навучэнцаў 5-ых класаў, гульня-падарожжа “Ці ведаеш ты сваю мову?” для вучняў 6-7-ых класаў. Рабяты мелі магчымасць зазірнуць у вытокі роднай мовы і адчуць яе невычэрпную моц.
Прыгожая мова, мілагучныя вершы беларускіх паэтаў гучалі на конкурсе выразнага чытання “Паэзіі радок чароўны”.
Традыцыйна святочна прайшоў канцэрт “Гучы, мая родная мова”. Свае рознабаковыя таленты маглі паказаць навучэнцы ДШМ 2: гурт “Сярэбраныя званочкі”, ансамбль цымбалістаў.
На працягу ўсяго святочнага тыдня ладзіліся інтэрактыўныя перапынкі «Размаўляй са мной па-беларуску». Цікава і займальна прайшла прэзентацыя віншавальных паштовак «Пажаданні роднай мове», у якой прынялі ўдзел усе навучэнцы школы. На прыгожых аркушах паперы вучні пісалі цытаты класікаў беларускай літаратуры, радкі вершаў, выказвалі свае пажаданні роднай мове.
Цікавыя і займальныя мерапрыемствы ладзіліся ў гэты час. Былі задзейнічаны ўсе навучэнцы нашай школы.
Дзень роднай мовы, якім завяршыўся тыдзень, збліжае людзей краіны, нагадвае, што ўсе мы — адно цэлае, і толькі ад нас залежыць будучыня нашай мовы. Давайце шанаваць, берагчы беларускую мову !